Ruslan Əliyev: "Azərbaycanda qazlaşma ilə bağlı xüsusi təkliflər hazırlanıb"

"Azərbaycanda qazlaşma prosesi hər il dövlət proqramına uyğun davam etdirilir".

"Report"un məlumatına görə, bunu "Azəriqaz" İstehsalat Birliyinin Baş direktoru Ruslan Əliyev deyib.

O bildirib ki, bu sosial bir addımdır: "Qazlaşma cənab Prezidentin Azərbaycan vətəndaşının rifahı üçün atdığı addımlardandır. Bu proses hər il mütəmadi davam edir. Azərbaycanda abonentlərin sayı hər il artır. Bu il də 100 minə yaxın abonent artımı gözlənilir".

O qeyd edib ki, artıq ölkə üzrə abonent sayı 2 milyon 400 minə çatıb: "Ölkədə qazlaşma hazırda 96,2 % təşkil edir".

R. Əliyev bildirib ki, bu il dövlət proqramına uyğun olaraq xüsusi təkliflər verilib: "Təkliflərin nəticəsi barədə ictimaiyyətə məlumat veriləcək"