Yuxarı

​"Qərbi-Abşeron” yatağında iki özül tikilir

Tikinti işləri “Neftqaztikinti” Tresti tərəfindən aparılır

Bakı. 14 iyun.REPORT.AZ/ Azərbaycan Dövlət Neft Şirkətinin (SOCAR) “Azneft” İstehsalat Birliyinin sifarişi əsasında “Qərbi-Abşeron” yatağında quraşdırılması nəzərdə tutulan 10 və 54 nömrəli stasionar dəniz özüllərinin tikintisi davam etdirilir.

"Report" SOCAR-a istinadən xəbər verir ki, tikinti işləri “Neftqaztikinti” Tresti tərəfindən aparılır.

10 nömrəli stasionar dəniz özülündə 9 ədəd dayaq bloku, 9 ədəd aralıq seksiyası, 1 ədəd piyada körpüsü, 9 ədəd minik və yanalma meydançaları quraşdırılıb, 36 ədəd svay vurulub, 9 ədəd svay ankerlənib, 3 ədəd svay tam, 6 ədəd svay isə qismən sementlənib. Hazırda aralıq seksiyalar və blokların bərkidilməsi, meydançalara pilləkənlərin quraşdırılması, antikorroziya işləri və s. aparılır.

54 nömrəli stasionar dəniz özülündə isə 9 ədəd dayaq bloku, 9 ədəd aralıq seksiyası, 1 ədəd piyada körpüsü, 10 ədəd minik və yanalma meydançaları quraşdırılıb, 32 ədəd svay vurulub. Hazırda bloklar və aralıq seksiyaların bərkitmə işləri davam etdirilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi