“Qazprom” Moldovanın avans ödənişini gözləməyə razılaşıb

Rusiyanın “Qazprom” şirkəti Moldova tərəfdən avqust ayının qaz tədarükü üçün avans ödənişini sentyabrın 1-dək gözləməyə razılaşıb.

Bu barədə “Report” şirkətin bəyanatına istinadən xəbər verir.

Müqavilənin şərtlərinə əsasən, “Moldovaqaz” hər ayın 20-dək əvvəlki ayda istehlak etdiyi təbii qazın dəyərini tam, cari ay üçün isə müqavilə üzrə bağlanmış qazın dəyərinin 50 faizini ödəməyə borcludur.

Bundan əvvəl Moldova tərəfi artıq bazar ertəsinin sonuna qədər “Qazprom”dan təbii qazın avqust ayında avans ödənişinin 50%-ni ödəyə bilməyəcəyi barədə məlumat vermişdi. “Moldovaqaz” “Qazprom”dan avans ödənişinin təxirə salınmasını istəyib.