“Qaz təchizatı haqqında” qanun layihəsinin hazırlanmasının məqsədi açıqlanıb

“Qaz təchizatı haqqında” qanun layihəsinin hazırlanmasının məqsədi ölkənin enerji təhlükəsizliyinin daha da gücləndirilməsidir.

“Report” xəbər verir ki, bunu energetika nazirinin müavini Samir Vəliyev Milli Məclisin Təbii ehtiyatlar, energetika və ekologiya komitəsinin bu gün keçirilən iclasında -sözügedən sənədin müzakirəsi zamanı bildirib.

"Məqsədlərdən biri də ətraf mühitin mühafizəsi, əhalinin dayanıqlı qazla təmin edilməsidir. Bu qanunla qazdan səmərli istifadə edilməsi təşviq olunacaq. Bu sahədə yeni islahatlar nəzərdə tutulub. Bu qanunun qəbulu energetika sektorunda islahatların davam etdirilməsində mühüm mərhələ olacaq”, - o vurğulayıb.