“Qalmaz” yeraltı qaz anbarında texniki müşavirə keçirilib

Bakı. 24 oktyabr. REPORT.AZ/ Azərbaycan Dövlət Neft Şirkətinin (SOCAR) “Azneft” İstehsalat Birliyinin rəhbərliyinin iştirakı ilə Qaz Anbarlarının İstismarı İdarəsinin “Qalmaz” yeraltı qaz anbarı sahəsində texniki müşavirə keçirilib.

“Report” İstehsalat Birliyinə istinadən xəbər verir ki, müşavirə qaz anbarlarının həcminin genişləndirilməsi istiqamətində həyata keçirilən tədbirlərlə tanış olmaq məqsədilə keçirilib.

Qeyd edək ki, hazırda SOCAR-ın Azərbaycandakı qaz anbarlarında (“Qalmaz” və “Qaradağ”) qış ayları üçün 3 mlrd. kubmetrdən çox qaz tədarük edilib.

“Qalmaz” yeraltı qaz anbarı 1955-ci ildə istismara verilib.