Pərviz Şahbazov: “Hasilat sənayesində şəffaflıq böyük əhəmiyyətə malikdir”

“Ölkə Prezidenti Azərbaycanda şəffaflığın təmin olunmasına daim diqqət yetirir. Normativ hüquqi bazanın yaradılması, ictimai iştirakçılığın artırılması və digər tədbirlər davam etdirilməkdədir”.

“Report”un xəbərinə görə, bunu energetika naziri Pərviz Şahbazov “Hasilat sənayesində şəffaflıq” portalının təqdimat mərasimində bildirib.

Onun sözlərinə görə, Azərbaycanda hasilat sənayesində şəffaflığın təmin olunması böyük əhəmiyyətə malikdir.

“Azərbaycan hasilat sənayesində şəfaflıq üzrə bütün beynəlxalq səyləri dəstəkləyir. Azərbaycanın dövlət büdcəsində hasilat sənayesinin xüsusi rolu var", - deyə P.Şahbazov əlavə edib.