Yuxarı
    Bağlamaq

    OPEC ölkələri İraqa güzəştə getməyə hazırdır

    Son qərar noyabrın 30-da Vyanada veriləcək

    Bakı. 31 oktyabr. REPORT.AZ/ Bəzi əsas OPEC üzvü olan ölkələr, o cümlədən Səudiyyə Ərəbistanı neft hasilatının məhdudlaşdırılması ilə bağlı anlaşmada İraqa xüsusi imtiyazların təqdim edilməsi məsələsini dəstəkləyə bilər. "Report"un "RİA Novosti" agentliyinə istinadən verdiyi xəbərə görə, bu barədə açıqlamanı OPEC üzvü olan ölkələrdən birinin nümayəndəsi verib.

    Qeyd edək ki, İraqın neft naziri Cabbar əl-Laibi OPEC-i ölkəsinin neft hasilatının məhdudlaşdırılması prosesində iştirak etməməsi üçün icazə verməyə çağırıb. Belə ki, onun ölkəsi hazırda antiterror əməliyyatları aparır. Bu səbəbdən İraqın neft satışından maksimal gəlir əldə etməsi vacibdir. Bu səbəbdən, bəzi ölkələr İraqın neft hasilatını artırmasından ehtiyatlanmayaraq ona xüsusi şərtlərlə çalışmaq imkanı verməyə razı olacağını bildiriblər.

    Xatırladaq ki, hasilatın məhdudlaşdırılması ilə bağlı son qərar OPEC-in noyabrın 30-da Vyanada (Avstriya) keçiriləcək sammitində veriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi