OPEC may ayında Azərbaycanda orta sutkalıq neft hasilatını açıqlayıb

Azərbaycanda may ayında orta sutkalıq neft hasilatı 478 min barel təşkil edib.

“Report” bu barədə Neft İxrac edən Ölkələr Təşkilatının (OPEC) aylıq hesabatına istinadən xəbər verir.

Bildirilib ki, Azərbaycanda may ayında orta sutkalıq neft hasilatı aprel ayı ilə müqayisədə sutkada 2 min barel və ya 0,4 % azalıb.

OPEC-in məlumatına görə, mart və aprel aylarında Azərbaycanda gündəlik neft hasilatı 480 min barel, 2024-cü ilin birinci rübündə isə 477 min barel təşkil edib.

2023-cü ildə orta sutkalıq neft hasilatı 503 min barel olub.