OPEC+ çərçivəsində neft hasilatının ixtisarı planı artıqlaması ilə yerinə yetirilib

OPEC+ formatının iştirakçı ölkələri neft hasilatının ixtisarı planını mart ayında 157 faiz yerinə yetirib.

“Report” OPEC+ Texniki Komitəsinin hesabatına əsasən xəbər verir ki, hesabat dövründə plana görə hasilatın maksimum həddi 41 296 min barel nəzərdə tutulduğu halda gündəlik hasilat həcmi 39 843 min barel olub.

O cümlədən OPEC üzv ölkələri hasilatın ixtisarı planını 155 faiz, qeyri-OPEC ölkələri isə 161 faiz yerinə yetirib. OPEC ölkələri arasında neft hasilatı planda nəzərdə tutulduğundan az olanlar Anqola, Ekvator Qvineyası, Əlcəzair, İraq, Konqo, Nigeriya, Səudiyyə Ərəbistanı, qeyri-OPEC ölkələrindən isə Azərbaycan, Bruney, Cənubi Sudan, Qazaxıstan və Malayziyadır.