OPEC Azərbaycanın qaz ehtiyatlarının həcmini açıqlayıb

2021-ci ilin sonuna Azərbaycanın təsdiq olunmuş təbii qaz ehtiyatları 1,917 trilyon kubmetr təşkil edib.

“Report”un məlumatına görə, bu barədə Neft İxrac Edən Ölkələr Təşkilatının (OPEC) illik statistik bülletenində deyilir.

Bülletenə əsasən, bu, 2020-ci ilin göstəricisi ilə eynidir.

Bununla da, OPEC Azərbaycanda təsdiq olunmuş təbii qaz ehtiyatları üzrə qiymətləndirilməsini bir ildə dəyişməyib.

Bildirilir ki, 2021-ci ilin nəticələrinə görə, dünyada təsdiq edilmiş neft ehtiyatları 205 trilyon 865 milyard kubmetr təşkil edib. Bu da 2020-ci ilin sonuna olan göstərici ilə müqayisədə 0,5 % azdır.