Yuxarı
    Bağlamaq

    OPEC+ anlaşması üzrə azalma kvotası artırıla bilər

    Nazir: Hazırda anlaşmanın uzadılması məsələsi müzakirə olunur

    Bakı. 11 avqust. REPORT.AZ/ OPEC+ neft hasilatının azaldılması anlaşmasının iştirakçıları hazırda 1,8 mln. barel/gün təşkil edən azalma kvotasının həcmini artıra bilər. "Report" "TASS" agentliyinə istinadən xəbər verir ki, bu barədə ümumərəb nəşri olan "Asharq Al-Awsat"a açıqlamasında Səudiyyə Ərəbistanının energetika naziri Xalid əl-Falih bildirib.

    "Hazırda neft hasilatını azaltmaq barədə anlaşmanın müddətinin uzadılması barədə müzakirələr gedir. Neft bazarına lazım olarsa, hasilatın azalma kvotalarını da artıra bilərik", - deyə nazir qeyd edib. Əl-Falih S.Ərəbistanının birtərəfli qaydada addım atmayacağını da xatırladıb.

    Nazir həmçinin bildirib ki, ölkəsinin dövlət neft şirkəti olan "Saudi Aramco"nun qlobal neft bazarında payını itirəcəyindən qorxmur: "Biz bazarda artıq neft ehtiyatı müşahidə edirik. Lakin bu, tədricən azalır. Düşünürəm ki, müştərilərimiz öz ehtiyatları hesabına bizim neft təklifimizdəki azalmanı kompensasiya edə bilərlər".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi