Olaf Şolts: “Almaniya ilk üzən LNG terminalları alacaq”

“Almaniya enerji resurslarının təchizatının şaxələndirilməsi üzərində çalışır və tezliklə mayeləşdirilmiş təbii qazı (LNG) qəbul etmək üçün ilk mobil terminallara sahib olacağını gözləyir”.

“Report” TASS-a istinadən xəbər verir ki, bunu çərşənbə günü Almaniya kansleri Olaf Şolts Bundestaqda çıxışı zamanı deyib.

O bildirib ki, üzən LNG terminalları yaxın vaxtlarda istifadəyə veriləcək: “Lazımi infrastruktur isə bir neçə il və ya onilliklər ərzində deyil, bir neçə aya hazır olacaq”.

Onun sözlərinə görə, Almaniya enerji resursu mənbələrini şaxələndirməlidir: “Ötən həftə Afrikada danışıqlar apardım. Biz Norveç, Kanada, ABŞ, Qətərlə də müzakirələr aparırıq”.