Yuxarı
    Bağlamaq

    Novak: "Neft hasilatının azaldılmasına daha 3-5 ölkə qoşula bilər"

    İyulun 1-nə qədər azalma 100-120 mln. barel/gün olacaq

    Bakı. 16 may. REPORT.AZ/ Neft hasilatının azaldılması ilə bağlı OPEC-ə üzv və qeyri-OPEC ölkələri arasındakı razılığa 3-5 yeni ölkə də qoşula bilər.

    “Report” TASS agentliyinə istinadən xəbər verir ki, bunu Rusiyanın energetika naziri Aleksandr Novak bildirib.

    Nazir ölkələrin adını çəkməsə də, hazırda onlarla danışıqlar aparıldığını qeyd edib. Onun sözlərinə görə, iyulun 1-dən dünyada neft ehtiyatları daha 100-120 mln. barel azalacaq: “Qiymətləndirməmizə görə, hazırkı razılıq müddətinin başa çatmasına - iyulun 1-nə qədər azalama 100-120 mln. barel/gün olacaq. Biz may və iyun göstəricilərini nəzərdən keçirəcəyik”.

    Xatırladaq ki, ötən il noyabrın 30-da OPEC üzrə gündəlik neft hasilatının 1,2 mln. barel azaldılaraq 32,5 mln. barelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barel azaldılması barədə sazişə imza atıb. Saziş bu ilin birinci yarısı üçün bağlanıb və ilin ikinci yarısı üçün sazişin müddətinin uzadılması, yaxud digər hansısa bir qərarın qəbulu OPEC-in Nazirlər Şurasının 25 may 2017-ci il tarixində Vyanada keçiriləcək 172-ci iclasında müəyyənləşəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi