Neft səhərki bahalaşmadan sonra ucuzlaşıb

Dünya bazarında neft qiymətləri səhər saatlarında baş verən cüzi artımın ardından günortadan sonra enməyə başlayıb, bazarlar isə Rusiyanın onun xammalına qiymət tavanının tətbiqinə reaksiyasını dəyərləndirməkdə davam edir.

“Report”un məlumatına görə, bunu hərracların məlumatından görmək olar.

“Brent” markalı neftin mart fyuçerslərinin qiyməti 0,58% ucuzlaşaraq 84,19 dollar/barelə, WTI markalı neftin fevral fyuçersləri isə 0,82% dəyər itirərək 78,86 dollar/barelə düşüb.

Qeyd edək ki, səhərki qiymət artımına bazar ertəsi Çinin Səhiyyə Komitəsinin ölkə hökumətinin yanvarın 8-dən etibarən koronavirus ilə bağlı məhdudiyyətləri yumşaltmağı planlaşdırdığını açıqlaması səbəb olmuşdu.