“Neft daşları” yatağında yeni quyu istismara verilib

Bakı. 1 dekabr. REPORT.AZ/ Azərbaycan Dövlət Neft Şirkətinin (SOCAR) “Azneft” İstehsalat Birliyinin sifarişi ilə “Neft Daşları” yatağında yeni quyu qazılaraq istismara verilib. “Report” SOCAR-a istinadən xəbər verir ki, söhbət 1637A saylı estakadayanı meydançada yerləşən 2646 nömrəli quyudan gedir.

Quyu Girməkialtı lay dəstəsi (1 010-1 005 metr intervaldan) horizontundan qazlift üsulu ilə mənimsənilib və sutkalıq 12 ton neft hasilatı ilə istismar fonduna daxil edilib. 

Quyuda istismar işləri “Neft Daşları” NQÇİ tərəfindən həyata keçirilir.