Neft cüzi bahalaşıb

Dünya bazarlarında neft qiymətləri çərşənbə günü səhər saatlarında bir qədər yüksəlib.

“Report” “Prime”a istinadən xəbər verir ki, bunu hərrac məlumatları göstərir.

Belə ki, Bakı vaxtı ilə saat 09:06-ya olan məlumata görə, Şimal dənizindən hasil olunan “Brent” markalı neftin may fyuçerslərinin qiyməti 0,03 % artaraq bir barel üçün 68,41 ABŞ dollarına, WTI markalı neftin aprel fyuçersləri isə 0,19 % bahalaşaraqbir barel üçün 64,91 ABŞ dollarına çatıb.

Ticarət iştirakçıları Amerika Neft İnstitutunun (API) ABŞ-da xammal ehtiyatlarının gözlənilmədən 1 milyon barel səviyyəsində azalması ilə bağlı məlumatlarını qiymətləndirirlər. ABŞ Energetika Nazirliyindən rəsmi məlumatlar isə axşam açıqlanacaq. Ekspertlər ölkənin ehtiyatlarının 2,97 milyon barel azaldığını bildirəcəyini gözləyirlər.