Neft Çinə idxalla bağlı statistikanın açıqlanmasından sonra cüzi bahalaşıb

Dünya birjalarında neft qiymətləri Çin gömrüyünün məlumatlarının açıqlanmasından sonra cüzi artıb.

“Report” xəbər verir ki, “Brent” markalı neftin sentyabr fyuçersləri 0,05 % bahalaşaraq 1 barel üçün 85,38 ABŞ dolları təşkil edib. WTI markalı neftin avqust fyuçerslərinin qiyməti isə 0,11 % artaraq 82,03 ABŞ dolları olub.

Bu ilin yanvar-iyul aylarında Çinə “qara qızıl”ın idxalı əhəmiyyətli dərəcədə artıb.