Naxçıvan Modul Elektrik Stansiyasında təmir işləri aparılıb

Naxçıvan Modul Elektrik Stansiyasında təmir işləri aparılıb.

"Report"un yerli bürosu xəbər verir ki, Naxçıvan Modul Elektrik Stansiyasında Naxçıvan Muxtar Respublikası Dövlət Energetika Xidmətinin və "Vartsila Azərbaycan" MMC-nin mütəxəssisləri ilə birlikdə 7-ci aqreqatda aparılan təmir işləri yekunlaşdırılıb.

Artıq mühərrikin sınaq-yoxlama və generatorun səlis yüklənmə rejimi yoxlanılır.

Xatırladaq ki, bundan əvvəl 3, 4, 6 və 8-ci aqreqatlarda əsaslı təmir işləri aparılıb.

Qeyd edək ki, 87 meqavatlıq Naxçıvan Modul Elektrik Stansiyası regionun enerji təhlükəsizliyi üçün mühüm əhəmiyyətə malikdir.