Azərbaycandan başlayan layihənin bir hissəsi olan TAP öz gücünü artırır

Azərbaycandan başlayan Cənub Qaz Dəhlizi layihəsinin bir hissəsi olan və İtaliyaya (Melendunyoya, Leççeyə) çatan, uzun marşrut üzrə işləyən Trans-Adriatik Qaz Boru Kəməri (TAP) öz gücünü artırır: son xəbərlər Avropa İttifaqı üçün ildə 1,2 milyard kubmetrdən çox qaz hasilatından bəhs edir.

“Report” xəbər verir ki, bu barədə İtaliyanın “Lasvolta.it” saytı yazıb.

Qeyd edilir ki, Ukraynadakı müharibə və Rusiyadan tədarükün azalması ilə bağlı çətinlikləri nəzərə alaraq, yenilik davamlılıq və enerji keçidi adı altında hidrogenin nəqlinə üstünlük verməlidir.

“Şirkət özü 30 yanvar 2023-cü ildə TAP-ın tutumunun başlanğıc səviyyəsində genişləndirilməsinin aktivləşdirilməsini "2021-ci ilin Bazar Testinin məcburi təkliflərinin təqdim edilməsinin birinci mərhələsi başa çatdıqdan sonra" təsdiqləyib.

Bu, yanvarın 22-də başa çatan “açıq, şəffaf və ayrı-seçkiliyə yol verməyən bir şəkildə” aparılan bazar məsləhətləşmə pəncərəsidir”, - yazıda qeyd edilir.

“İndiki 10 milyard kubmetrdən başlayan üfüq tədricən ildə 20 milyarda çatmalı və bəlkə də onları keçməlidir: Cənub Qaz Dəhlizinin imkanlarının bu həddə qədər genişləndirilməsi Avropa ilə Azərbaycan arasında strateji əməkdaşlıq haqqında enerji sahəsində tərəfdaşlığa dair anlaşma memorandumunda nəzərdə tutulub, lakin TAP “RePowerEU” planı kontekstində də güclü öhdəliyini bir daha təkrar etdi.

Beləliklə, 2027-ci ilədək boru kəmərinin ötürmə qabiliyyətini iki dəfə artırmaq məqsədinə keçə bilmək üçün bu ilin ikinci yarısında maraqlı operatorlar tərəfindən təkliflərin təqdim edilməsi üçün daha bir mərhələ yaradılacaq”, - məqalədə vurğulanır.