İtaliya səfiri Azərbaycan qazının Avropaya nəqlinin əhəmiyyətindən danışıb

“Gürcüstan enerji tədarükü mənbələrinin diversifikasiyasında mühüm rol oynayır. Bu baxımdan, Rusiyadan asılılığımızı azaltmaq üçün göstərdiyimiz səylərimiz, o cümlədən Azərbaycan qazının İtaliyaya, Yunanıstana və ya digər ölkələrə nəqlinin asanlaşdırılması vacibdir”.

“Report”un yerli bürosu xəbər verir ki, bunu İtaliyanın Gürcüstandakı səfiri Enriko Valvo bu ölkənin parlamentinin Xarici əlaqələr üzrə Komitəsində keçirilən dinləmələrdə çıxışı zamanı deyib.

Səfir Gürcüstan, Azərbaycan və Ermənistan arasında münasibətlərin genişləndirilməsi məsələsinə də toxunub.

Gürcüstanın Baş naziri İrakli Qaribaşvilinin sülh təşəbbüsünü vurğulayan E.Valvo bunun Cənubi Qafqazın üç ölkəsinin ümumi maraqlarına, birgə səylərin möhkəmləndirilməsi və Gürcüstanın regionda rolunun güclənməsinə yönəldiyini bildirib.