IEA dünyada neftə tələbat proqnozunu dəyişib

Beynəlxalq Enerji Agentliyi (IEA) koronavirus pandemiyasına dair vəziyyətə görə cari ildə dünya bazarındakı neftə tələbat proqnozunu azaldıb.

“Report” qurumun aylıq hesabatına istinadən xəbər verir ki, 2020-ci ildə neftə gündəlik tələbatın əvvəlki hesabatdakı 8,4 milyon barelə qarşı 8,8 milyon barel azalacağı, 2021-ci ildə isə müvafiq olaraq 5,5 milyon barelə qarşı 5,8 milyon barel artacağı gözlənilir.

Bu dəyişikliklərin daha çox Avropa və ABŞ-da koronavirusa yoluxmaların artması ilə bağlı olduğu da qeyd olunur.