Yuxarı

IEA: ABŞ artıq bu il neft hasilatında Rusiyanı qabaqlaya bilər

IEA: ABŞ artıq bu il neft hasilatında Rusiyanı qabaqlaya bilər
ABŞ-la yanaşı, Braziliya və Kanada da hasilatı kəskin artıracağı gözlənilir

Bakı. 27 fevral. REPORT.AZ/ ABŞ neft hasilatının həcminə görə Rusiyanı ən gec 2019-cu ildə ötəcək.

"Report" xəbər verir ki, bu açıqlamanı Beynəlxalq Energetika Agentliyinin (IEA) rəhbəri Fatih Birol "Reuters" agentliyinə verib: "2019-cu ildə dəqiq ötəcək, bəlkə də, bu hadisə bu il baş verdi".

IEA rəhbəri qeyd edib ki, ABŞ-da şist neft hasilatı güclü templə artır: "Çox yaxında ABŞ əsas neft istehsalçısına çevriləcək".

Xatırladaq ki, ABŞ-da neft hasilatı 10-16 fevral həftəsində 10,27 mln. barel/günə çatıb. Bununla da ABŞ Səudiyyə Ərəbistanını ötərək Rusiyaya yaxınlaşıb. IEA fevral hesabatında ABŞ-ın orta illik neft hasilatının 2017-ci illə müqayisədə 1,26 mln. barel/gün və ya 13,5% artaraq 10,59 mln. barel/günə çatacağını bildirib. 

F.Birol 2020-ci ilə qədər ABŞ-da neft hasilatının pik həddə çatmayacağını qeyd edib. Yaxın 4-5 ildə ABŞ-da neft hasilatının azalması müşahidə olunmayacaq.

IEA başçısı Kanada və Braziliya kimi ölkələrdə də hasilatın artacağını proqnozlaşdırır. Bu iki ölkə həmçinin neft bazarında güclü hərəkətverici qüvvə olacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi