Yuxarı

AÇG layihəsinə ​I rübdə 533 mln. dollar xərclənib

AÇG üzrə xərclər bu ilin I rübündə illik müqayisədə 15% azalıb

Bakı. 24 may. REPORT.AZ/ Bu ilin I rübündə "Azəri-Çıraq-Günəşli" (AÇG) layihəsinə təqribən 137 mln. ABŞ dolları həcmində əməliyyat məsrəfləri və 396 mln. dollar əsaslı məsrəflər xərclənib. Bu barədə "Report" layihənin operatoru olan "BP-Azerbaijan" şirkətinə istinadən xəbər verir.

AÇG üzrə xərclər bu ilin I rübündə ötən ilin müvafiq dövründən 15,4% azalıb.

Hesabat dövründə AÇG-də 5 neft hasilat quyusu və 2 suvurma quyusu qazılıb.

Qeyd edək ki, AÇG yataqlar blokunun birgə işlənməsi və hasil olunan neftin pay şəklində bölüşdürülməsi haqqında (PSA) saziş 1994-cü il sentyabrın 20-də imzalanıb.

AÇG-də BP (operator – 35,8%), SOCAR (11,6%), "Chevron" (11,3%), "İnpex" (11%), "Statoil" (8,6%), "ExxonMobil" (8%), TPAO (6,8%), "İtochu" (4,3%), "ONGC Videsh Ltd." (OVL, 2,7%) şirkətləri iştirak edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi