Yuxarı
    Bağlamaq

    İraq: "Bizdən hasilatı azaltmağı istəmək ədalətsizlikdir"

    Bu açıqlamadan sonra Brent markalı neft 2,2% ucuzlaşıb

    Bakı. 22 noyabr. REPORT.AZ/ "İraqdan neft hasilatını azaltmağı tələb etmək ədalətsizlikdir". 

    "Report"un "İnvesting.ru" saytına istinadən xəbər verir ki, bunu İraqın xarici işlər naziri İbrahim əl-Cəfəri bildirib. 

    Nazir qeyd edib ki, İraqa hasilatı artırmağa imkan yaratmaq lazımdır: "İraq xüsusi şəraitdə yaşayır. Biz müharibə edirik".

    Açıqlamadan sonra neft bazarında OPEC-in noyabrın 30-da Vyanada keçiriləcək sammitinin müsbət nəticələnəcəyinə ümidlər yenidən azalıb. 

    Rusiyanın "Sberbank"ından Mixail Şeybe və İskəndər Lutsko bildiriblər ki, investorlar çox ehtiyatlı olmalıdırlar: "İraq əvvəllər də hasilat kvotasının həcmi ilə bağlı iradlar bildirib. İraqın bu dəfə sammitdə təklif edəcəyi təşəbbüslər bazar üçün əlverişsiz olarsa və sammitə 1 həftə qalmış ictimaiyyətə açıqlanarsa, bu, neft qiymətlərinin kəskin azalmasına səbəb ola bilər".

    Qeyd edək ki, İraqın xarici işlər nazirinin bugünkü açıqlamasından sonra "Brent" markalı neft 2,2% azalaraq 49,96 dollar/bareldən 48,84 dollar/barelə kimi geriləyib və hazırda dünənki bağlanış qiymətinin 0,45% üzərində, yəni 49,1 dollar/barel təşkil edir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi