İran yeni növ neft nəqlinə hazırlaşır

Bakı. 8 may. REPORT.AZ/ İran bu ilin may-iyun aylarında “West Karoun” adlı neft növünün nəqlinə başlamaq niyyətindədir.

“Report” xəbər verir ki, bu barədə “Reuters” agentliyi mənbələrə istinadən xəbər yayıb.

İlk partiyanın spot sövdələşmələri ilə satışı nəzərdə tutulur. Məlumata görə, bu neftin keyfiyyəti ilə bağlı alıcılarda şübhələr var.

Qeyd edək ki, neft bazarında spot ticarət qısa sövdələşmələri, bir qayda olaraq, məhdud həcmdə neft və ya neft məhsulları partiyasını nəzərdə tutur.