Yuxarı
    Bağlamaq

    "Harvey" qasırğası ABŞ-da neft hasilatını kəskin azaldıb

    Azalma nefti bahalaşdırmayıb

    Bakı. 8 sentyabr. REPORT.AZ/ ABŞ-dakı "Harvey" qasırğası nəticəsində ölkənin Alyaska ştatı istisna olmaqla digər 48 ştatda sutkalıq neft hasilatı 749 min barel azalaraq 8,781 mln. barelə düşüb. 

    "Report" xəbər verir ki, bu barədə ABŞ-ın Energetika Nazirliyinin Enerji İnformasiyaları Agentliyi (EİA) məlumat yayıb. 

    Məlumatda deyilir ki, neft hasilatının azalmasına baxmayaraq onun qiymətində ciddi dəyişiklik olmayıb. Analitiklər hasilatın hansı sürətlə bərpa olunacağını görmək istəyirlər. Əgər gələn həftə EİA-nın hesabatında hasilatda artım müşahidə olunmasa, bazarın buna reaksiya verəcəyi gözlənilir. 

    Xatırladaq ki, mütəxəssislər "İrma" qasırğasının da Meksika körfəzində neft hasil olunan bölgələrə çatacağını proqnozlaşdırırlar. "Credit Suisse" bankının analitikləri qasırğanın 125 mlrd. dollar zərər vura biləcəyini, bunun 100 ilin ən güclü qasırğası olacağını ehtimal edirlər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi