Yuxarı
    Bağlamaq

    Gürcüstanda avtomobil qaz yanacağının bahalaşacağı gözlənilir

    Buna Gürcüstan milli valyutası GEL-in devalvasiyası səbəb ola bilər

    Tbilisi. 12 noyabr. REPORT.AZ/ Gürcüstan milli valyutası GEL-in devalvasiyası ölkədə bəzi istehlak mallarının, o cümlədən yanacağın qiymətlərinin artmasına səbəb olub.

    “Report”un Gürcüstan bürosu xəbər verir ki, neft məhsullarının ardınca avtomobillər üçün maye qazın (“avtoqaz”) da qiymətinin artacağı gözlənilir.

    Mətbuatın Gürcüstan hökumətindəki mənbələrə istinadən yazdığına görə, yaxın günlərdə “avtoqaz”ın qiyməti hər kubmetr üçün 5-10 tetri bahalaşacaq. Hazırda “avtoqaz”ın bir kubmetri 1,40-1,42 GEL təşkil edir.

    Qazdoldurma məntəqələrinin sahibləri qiymətlərin artacağını istisna etmirlər və bundan narahatçılıq keçirirlər. Bu məntəqələrin sahibləri qiymət artımından sonra satış həcminin aşağı düşəcəyindən ehtiyat edirlər.

    “Avtoqaz”la yanaşı sıxılmış maye qazın da qiymətinin artacağı gözlənilir.

    “İSLET GROUP” şirkətinin nümayəndəsi Yuri Cibutinin sözlərinə görə, hər şey milli valyutanın – larinin devalvasiyasından asılıdır. Əgər larinin ucuzlaşması davam edərsə maye qazın qiyməti mütləq qalxacaq.

    “Ayrballon” şirkətinin nümayəndəsi Nodar Ramişvili də hesab edir ki, milli valyutanın qiymətdən düşməsi qazın qiymətinin artmasına səbəb olacaq.

    Ekspertlərin fikrincə “avtoqaz”ın qiymətinin artması isə ölkədə istehlak qiymətlərinin, xüsusən kənd təsərrüfatı məhsullarının qiymətlərinin bahalaşmasına, son nəticədə iqtisadiyyatın zəifləməsinə səbəb olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi