Gürcüstan Azərbaycandan qaz idxalını azaldıb

2021-ci ildə Gürcüstan Azərbaycandan ümumi dəyəri 256,5 milyon ABŞ dolları olan 1 milyard 570 milyon kubmetr həcmində təbii qaz idxal edib.

“Report”un Gürcüstan bürosu xəbər verir ki, bu barədə ölkənin Milli Statistika İdarəsindən bildirilib.

Məlumata əsasən, həcm illik müqayisədə 7 % azalıb.

Hesabat ilində qonşu ölkə Azərbaycandan 128,5 milyon ABŞ dolları dəyərində 228,5 min ton neft və neft yağları da tədarük edib ki, bu da 2020-ci ilin eyni göstəricisindən 5,8 % çoxdur.