Gürcüstan Azərbaycandan dizel yanacağı idxalını artırıb

Bu ilin yanvar-sentyabr aylarında Gürcüstan Azərbaycandan 168,5 min ton dizel yanacağı idxal edib.

“Report”un yerli bürosu xəbər verir ki, bu barədə Gürcüstanın Neft Məhsulları İdxalçıları Birliyinidən bildirilib.

Hesabat dövründə Gürcüstan 409,1 min ton dizel tədarük edib ki, bunun da 41,2 %-i Azərbaycanın payına düşüb.

İllik müqayisədə qonşu ölkə Azərbaycandan dizel idxalını 37,6 % artırıb.

İlk 9 ayda Gürcüstanın tədarük etdiyi benzin və dizelin ümumi həcmi 854,5 min ton təşkil edib ki, bu da ötən ilin eyni dövrünə nisbətdə 5,8 % çoxdur.