Gürcüstan 2 ayda Azərbaycandan 35 min ton dizel yanacağı idxal edib

Bu ilin yanvar-fevral aylarında Gürcüstan 90 min ton dizel yanacağı idxal edib.

“Report”un yerli bürosu xəbər verir ki, bu barədə Gürcüstanın Neft Məhsulları İdxalçıları Birliyinidən bildirilib.

Məlumata əsasən, həcmin 34,9 min tonu və yaxud 38,8 %-i Azərbaycanın payına düşüb.

Hesabat dövründə Gürcüstanın tədarük etdiyi benzin və dizelin ümumi həcmi 182,5 min ton (+14,9 %) təşkil edib. Qonşu ölkənin əsas yanacaq tədarükçüsü 52,8 min tonla Rumıniya olub.

Azərbaycanın Gürcüstanın ümumi yanacaq idxalındakı payı isə 19,1 %-ə bərabər olub.