Yuxarı
    Bağlamaq

    "Günəşli" yatağında üç dəniz özülündə əsaslı təmir aparılıb

    Təmir istismar prosesini məhdudlaşdırmadan və özüllərdəki mövcud texnoloji avadanlıqlardan istifadə edilməklə həyata keçirilib

    Bakı. 13 aprel. REPORT.AZ/ Azərbaycan Dövlət Neft Şirkətinin (SOCAR) “Azneft” İstehsalat Birliyi tərəfindən “Günəşli” yatağındakı 4, 13 və 14 saylı dərin dəniz özüllərində əsaslı təmir işləri başa çatdırılıb.

    "Report" SOCAR-a istinadən xəbər verir ki, təmir istismar prosesini məhdudlaşdırmadan və özüllərdəki mövcud texnoloji avadanlıqlardan istifadə edilməklə həyata keçirilib.

    4 saylı dərin dəniz özülündə manifold blokları və texnoloji xətlər əsaslı təmir olunaraq istismara verilib, 7 ədəd manifold bloku yerinə quraşdırılmış və əlaqələndirilib. 

    13 saylı dərin dəniz özülündə mərtəbələrin, yaşayış blokunun, helikopter meydançasının elektirik təchizatı yaxşılaşdırılıb. Təmir zamanı yeni güc kabelləri çəkilib, partlayışa davamlı lampalar quraşdırılıb.

    14 saylı dərin dəniz özülündə isə yaşayış bloku əsaslı təmir olunaraq dəniz neftçilərinin istifadəsinə verilib. 3 mərtəbəli 72 yerlik yaşayış blokunda otaqlar müasir avadanlıqlarla təchiz edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi