G7 və Avstraliya Rusiya neftinin qiymət həddi ilə bağlı razılığa gəlib

“Böyük Yeddilik” ölkələri (G7) və Avstraliya Rusiya neftinin maksimum qiymət həddi ilə bağlı razılığa gəlib.

“Report” xəbər verir ki, bu barədə onların qəbul etdiyi və ABŞ Maliyyə Nazirliyinin yaydığı birgə bəyanatda deyilir.

Bəyanatda qeyd edilib ki, G7 ölkələri və Avstraliya Rusiyadan dəniz yolu ilə tədarük edilən neftin 1 barelinin maksimum qiymətinin 60 dollar olması ilə bağlı konsensusa gəlib.

Bildirilib ki, bu qərar dekabrın 5-i və ya daha tez qüvvəyə minəcək.