Yuxarı
    Bağlamaq

    Gürcüstan hökuməti “Qazprom”un təklifini qəbul edib

    Kaxa Kaladze: “Yeni müqavilə yaxın vaxtlarda imzalanacaq”

    Tbilisi. 11 yanvar. REPORT.AZ/ Gürcüstan hökuməti “Qazprom eksport”un Ermənistana satdığı təbii qazın Gürcüstan ərazisindən nəqlinə görə nağd pul ödəmək təklifini qəbul edib.

    “Report”un Gürcüstan bürosu xəbər verir ki, bu barədə qərar hökumətin yanvarın 11-də keçirilən iclasında qəbul olunub.

    Gürcüstan baş nazirinin müavini, energetika naziri Kaxa Kaladze jurnalistlərə bildirib ki, hazırkı vəziyyətdə “Qazprom eksport”un təklifi Gürcüstan üçün ən əlverişli variantdır.

    Nazirin sözlərinə görə, yeni müqavilə yaxın vaxtlarda imzalanacaq: "Əvvəlki müqavilənin müddəalarından yalnız təbii qazın Gürcüstan ərazisindən nəqlinə görə ödəmələrlə bağlı olan maddə dəyişdirilir. Digər maddələr öz qüvvəsində qalır”.

    K.Kaladze qazın nəqlinə görə, “Qazprom ekspert”un ödəyəcəyi məbləği açıqlamasa da rəqəmin qənaətbəxş olduğunu bildirib.

    Qeyd edək ki, əvvəlki müqaviləyə əsasən “Qazprom ekspert” Ermənistana satdığı təbii qazın Gürcüstan ərazisindən nəqlinə görə bu ölkəyə ümumi həcmin 10 faizi həcmində “mavi yanacaq” verirdi. Bu ildən isə “Qazprom” ödənişin nağd ödəmələrlə həyata keçirmək barədə təklif irəli sürüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi