Yuxarı

“ExxonMobil” I rübdə mənfəətini artırıb

“ExxonMobil” I rübdə mənfəətini artırıb

Bakı. 28 aprel. REPORT.AZ/ ABŞ-ın “ExxonMobil” şirkəti bu ilin I rübündə 68,21 mlrd. dollar gəlir əldə edib.

“Report” xəbər verir ki, bu barədə şirkətin rüblük hesabatında qeyd olunub.

Şirkətin bu ilin I rübündə əldə etdiyi gəlirin həcmi ötən ildən 16,3% çoxdur.

“ExxonMobil”in ilin üç ayında xalis mənfəəti də 16% artaraq 4,65 mlrd. dollar olub.

Qeyd edək ki, "ExxonMobil" Xəzərin Azərbaycan sektorunda yerləşən “Azəri-Çıraq-Günəşli” (AÇG) yataqlarının işlənməsi üzrə layihədə 6,79% paya malikdir. Bundan başqa, şirkətin Bakı-Tbilisi-Ceyhan (BTC) boru kəmərində də payı var. “ExxonMobil” 2017-ci ilin IV rübündə CIECO şirkətinin (Yaponiyanın “Itochu” şirkətinin Londondakı törəməsi) BTC-dəki 2,50% payını alaraq BTC-nin səhmdarları arasına qoşulub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi