Elnur Soltanov: "Qarabağda bu il 5 su elektrik stansiyasının tikintisi yekunlaşacaq"

Hazırda Qarabağda beş su elektrik stansiyası tikilir və bu layihələr 2022-ci ildə böyük ehtimalla tamamlanacaq.

"Report" xəbər verir ki, bunu jurnalistlərə açıqlamasında Azərbaycan energetika nazirinin müavini Elnur Soltanov deyib.

Onun sözlərinə görə, bu günə qədər Qarabağda 4 min meqavat gücündə 9 elektrik stansiyası açılıb: "Həmçinin, 18 xırda su elektrik stansiyasını hərraca çıxartmaq istəyirik".

E. Soltanov qeyd edib ki, Laçın və Kəlbəcərdə 100 meqavat gücündə külək elektrik stansiyaların tikintisi nəzərdə tutulub: "Artiq şirkətlərlə danışıqlar aparılır. Həmçinin, 50 meqavatlıq günəş elektrik stansiyalarının tikintisi nəzərdə tutulur".