Dünya bazarında neft ucuzlaşır

Dünya bazarında neft ucuzlaşır “Brent” markalı neft 55,73 dollar/barelə, WTI markalı neft isə 53,12 dollar/barelə ticarət edilib.
Energetika
170
15 Yanvar , 2021 12:36
Dünya bazarında neft ucuzlaşır

“Brent” markalı neft son üç həftədə ilk dəfə həftəlik qiymət enişi sərgiləyib.

“Report” “enkorr”a istinadən xəbər verir ki, Bakı vaxtı ilə saat 10:40-a olan məlumata əsasən, mart satışlı “Brent” markalı neftin bir barelinin qiyməti 55,73 ABŞ dolları (-1,22) təşkil edib. WTI markalı neftin fevral fyuçersləri isə 53,12 dollar/barelə (-0,84%) ticarət edilib. Son sessiyada qiymətlər müvafiq olaraq 56,42 53,57 ABŞ dolları təşkil etmişdi.

Sövdələşmələrə Çində lokdaunun genişləndirilməsi və ABŞ-da işsizlik səviyyəsinin artması təzyiq göstərib. Görünür, bu amillər ABŞ-ın COVID-ə görə yeni yardım proqramından və Çində neft idxalındakı artımdan üstün olub.

ABŞ-ın yeni seçilmiş prezidenti Cozef Bayden tərəfindən təqdim olunan təqribən 2 trilyon dollarlıq COVID-19 yardım paketi dünyanın ən böyük neft istehlakçısının neft tələbini artıra bilər, lakin məşğulluqla bağlı məlumatlar bu planları kölgədə qoyur.

Çində gömrük orqanının məlumatlarına görə, 2020-ci ildə xam neft idxalı dörd rübdən ikisində rekorda imza atmaqla il ərzində 7,3% artıb.

Ancaq cəmi bir neçə saat əvvəl Çin son 10 ayda ən çox yeni COVID-19 hadisəsi qeydə alındığını bildirdi. Nəticədə həftənin sonunda 28 milyondan çox insan təcrid olundu. Səkkiz ay ərzində ilk dəfə ölkədə koronavirusla bağlı ölüm faktı qeydə alınıb.

Son xəbərlər

Orphus sistemi