Yuxarı

Dünya Bankı gələn il xam neftin qiymətinin azalacağını proqnozlaşdırır

​Dünya Bankı gələn il xam neftin qiymətinin azalacağını proqnozlaşdırı

2020-ci ildə dünya bazarında xam neftin orta qiymətinin (Brent, WTI, Dubai) 2019-cu ilin proqnozu ilə (60 dollar/barel) müqayisədə azalaraq 58 dollar/barel olacağı gözlənilir.

“Report” xəbər verir ki, bu barədə Dünya Bankının hesabatında qeyd edilib.

Proqnoza görə, 2021-ci ildə isə xam neftin bir barelinin qiyməti 59 dollar təşkil edəcək.

Hesabata əsasən, qlobal artımın zəifləməsi proqnozu fonunda 2019-2020-ci illərdə tələbatla bağlı gözləntilər azalmağa doğrudur: “Hesab edilir ki, OPEC+ ölkələrinin hasilatın azaldılması ilə bağlı razılaşması 2020-ci ildə də davam edəcək. Neftə daha az tələbatda risk iqtisadi artımın daha da yavaşlamasıdır. OPEC ölkələri və tərəfdaşları dekabrda hasilatın gələcək azalması ilə bağlı müzakirə aparacaqlar, bu da qiymətləri dəstəkləyə bilər. Lakin qiymətlər aşağı səviyyədə qalarsa, hasilatın daha böyük həcmdə azalması razılaşmanı gərginləşdirə bilər. Ekvador bu yaxınlarda daha çox gəlir əldə etmək üçün hasilatı artırmaq istədiyini və buna görə də 2020-ci ilin yanvar ayında OPEC-i tərk etmək niyyətində olduğunu elan etmişdi”. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi