Dövlət qurumları 9 ayda 21,2 mln. manatlıq təbii qaz istifadə edib

Bakı. 16 noyabr. REPORT.AZ/ Cari ilin yanvar-sentyabr aylarında dövlət büdcəsindən maliyyələşdirilən idarə, müəssisə və təşkilatlar tərəfindən 1 544,6 mln. kVt/saat elektrik və 169,1 min Qkal istilik enerjisindən, 106,2 mln. kubmetr təbii qazdan istifadə edilib.

“Report” Dövlət Statistika Komitəsinə istinadən xəbər verir ki, ötən ilin müvafiq dövrü ilə müqayisədə elektrik enerjisindən 10,3%, istilik enerjisindən 30,9%, təbii qazdan 11,7% çox istifadə edilib.

Hesabat dövründə istifadə edilən elektrik enerjisinin dəyəri 139 mln. manat, istilik enerjisinin dəyəri 4,6 mln. manat, təbii qazın dəyəri isə 21,2 mln. manat təşkil edib.