Yuxarı
    Bağlamaq

    "Darvin Bankəsi" yatağındakı özüldə aparılan tikinti-quraşdırma işləri başa çatıb

    Tikinti-quraşdırma işləri “Neftqaztikinti” Trestinin 3 saylı Tikinti-Quraşdırma İdarəsi tərəfindən yerinə yetirilib

    Bakı. 5 iyun. REPORT.AZ/ SOCAR-ın “Neftqaztikinti” Tresti “Azneft” İstehsalat Birliyinin sifarişi ilə “Abşeronneft” NQÇİ-nin istismar etdiyi “Darvin Bankəsi” yatağında əlavə 4 quyunun qazılması üçün 670 saylı Stasionar Dəniz Özülünün yenidən qurulması layihəsi üzrə aparılan tikinti-quraşdırma işlərini uğurla yerinə yetirib.

    “Report” Dövlət Neft Şirkətinə istinadən bildirir ki, layihə neft hasilatının yüksəldilməsi üçün quyu fondunun artırılması məqsədilə icra olunub. Layihə çərçivəsində Trest tərəfindən 4 ədəd quyunun qazılması üçün 4 quyu şaxtası və çirkab sularının yığılması üçün 2 tutum quraşdırılıb, mövcud qülləaltı postamentin hərəkət yolu və boru yığma meydançası uzadılıb. 

    Qeyd edək ki, tikinti-quraşdırma işləri “Neftqaztikinti” Trestinin 3 saylı Tikinti-Quraşdırma İdarəsi tərəfindən yerinə yetirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi