Çində neft idxalı son 3 ilin minimum həddinə düşüb

Bu ilin oktyabr ayında Çin 37,8 milyon ton və ya gündəlik 8,9 milyon barel neft idxal edib. Bu, 2018-ci ilin sentyabr ayından sonra ən aşağı göstəricidir.

“Report” xəbər verir ki, bu barədə Çinin gömrük statistikası məlumatlarında qeyd olunur.

İlin 10 ayı ərzində Çin 425 milyon ton neft idxal edib, bu isə illik ifadədə 7,2% azdır. İdxalın azalması dünya bazarlarında neft qiymətlərinin bahalaşması ilə əlaqələndirilir.

Çinin oktyabr ayında neft məhsulları ixracı ötən ilin analoji dövrü ilə müqayisədə 3,95 milyon tonadək, və ya 31,8% azalıb. Təbii qaz idxalı 9,38 milyon ton təşkil edib, bu isə 2020-ci ilin oktyabr ayı ilə müqayisədə 24,6% çoxdur.