Bakı. 8 dekabr. REPORT.AZ/ “Chevron” (ABŞ) neft şirkəti 2017-ci il üzrə xərclərini kəskin azaltmaq niyyətindədir.
“Report” xarici KİV-ə istinadən xəbər verir ki, gələn il şirkətin əsaslı xərcləri 19 mlrd. dollar nəzərdə tutulub. Gələn ilin xərclərinin 2015-ci illə müqayisədə 42%, bu il üçün nəzərdə tutulan xərclərdən isə 15% az olması gözlənilir. Ötən il şirkətin büdcəsi 35 mlrd. dollar olub. Bu il isə 26,6 mlrd. dollar nəzərdə tutulub.
“Chevron”un gələn il üçün nəzərdə tutulan xərclərinin 17,3 mlrd. dolları hasilat və kəşfiyyat işlərinə, 2,2 mlrd. dolları isə nəqletmə, emal və satışa yönəldiləcək.