Yuxarı

Səfir: "Çexiyadakı avtomobillərin üçdə biri Xəzər neftindən hazırlanmış yanacaqla işləyir"

Azərbaycandan Çex Respublikasına ildə iki milyon tondan artıq neft göndərilir
© Report/Elchin Murad

Bakı. 13 fevral. REPORT.AZ/ "Ötən il Çexiya ilə Azərbaycan arasında münasibətlər strateji tərəfdaşlığı gücləndirmək, yeni layihələr axtarıb tapmaq baxımından əlamətdar olub".

“Report” xəbər verir ki, bunu Çex Respublikasının Azərbaycandakı səfiri Milan Ekert bu gün keçirdiyi mətbuat konfransında bildirib.

“Azərbaycan iqtisadiyyatının bütün göstəriciləri son bir neçə il ərzində neft qiymətlərinin azalmasından meydana çıxan çətinliklərin müvəffəqiyyətlə dəf olunduğunu, aparılan islahatların xeyli dərəcədə özünü doğrultduğunu, artıq indidən ölkənin gələcəyə inamla baxdığını deməyə əsas verir. Bu uğurlarda Çex Respublikası ilə genişlənən tərəfdaşlıq əlaqələrinin də müəyyən payı var”, - deyə o qeyd edib.

Səfir vurğulayıb ki, 2018-ci ilin məlumatlarına görə, Çex Respublikası Azərbaycanın beşinci ən iri ticarət tərəfdaşı, doqquzuncu ən iri xarici sərmayədarıdır: "Səngəçal terminalından Çex Respublikasının Kralupı Nad Vltavou şəhərinə hər il iki milyon tondan artıq neft nəql edilir. Çex maşınlarının üçdə birinin Xəzər neftindən hazırlanmış yanacaqla işlədiyini rahatlıqla söyləyə bilərik”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi