“Cənub axını” layihəsi həyata keçirilə bilər

Bakı.15 fevral. REPORT.AZ/ Hələ 2014-cü ildə icrası dayandırılan “Cənub axını” boru kəməri layihəsi həyata keçirilə bilər.

“Report” "RİA Novosti” agentliyinə istinadən xəbər verir ki, bunu Bolqarıstanın Varna şəhərində keçirilən biznes-forumda Rusiyanın Bolqarıstandakı ticarət attaşesi İqor İlingin bildirib.

“Ehtimal ki, “Cənub axını” layihəsi reallaşdırılacaq”, - deyə səfir qeyd edib.

Qeyd edək ki, Rusiya 2014-cü ilin dekabr ayında "Avropa İttifaqının qeyri-konstruktiv mövqeyi"ni əsas gətirərək “Cənub axını” layihəsi üzrə işləri dayandırıb və “Türk axını” layihəsinin həyata keçiriləcəyini elan edib. "Cənub axını" layihəsi Bolqarıstan, Serbiya, Macarıstan ərazisinə qaz nəqlini nəzərdə tutur.