Energetika Nazirliyi I rübdə 60 icazə verib

Energetika Nazirliyi I rübdə 60 icazə verib ​Bu ilin I rübündə Energetika Nazirliyi tərəfindən 60 icazə verilib
Energetika
147
3 Aprel , 2020 10:28
Energetika Nazirliyi I rübdə 60 icazə verib

Bu ilin birinci rübündə Energetika Nazirliyi tərəfindən “İxrac nəzarətinə düşən mallar (işlər, xidmətlər, əqli fəaliyyətin nəticələri) üzrə xüsusi icazənin verilməsi” Qaydalarına uyğun olaraq, ixrac nəzarətinə düşən malların (işlər, xidmətlər, əqli fəaliyyətin nəticələri) idxalı, ixracı və tranziti üzrə 60 icazə verilib. 

Bu barədə “Report”a Azərbaycan Energetika Nazirliyindən məlumat verilib.

Bunlardan 52-si ixrac nəzarətinə düşən malların idxalı, 6-sı ixrac nəzarətinə düşən malların ixracı, 2-i isə ixrac nəzarətinə düşən malların tranziti ilə bağlı olub. 

Bu dövrdə 58 icazənin verilməsi 5 saylı “ASAN xidmət” mərkəzi vasitəsilə həyata keçirilib.

Qeyd edək ki, Energetika Nazirliyi tərəfindən 3 növ icazənin verilməsi “ASAN xidmət” mərkəzi vasitəsilə həyata keçirilir. Bura ixrac nəzarətinə düşən malların ixracı, təkrar ixracı, idxalı, təkrar idxalı və tranziti üçün icazə, mülki dövriyyənin müəyyən iştirakçılarına mənsub ola bilən və dövriyyədə olmasına icazə əsasında yol verilən əşyaların dövriyyəsinə icazə, habelə ixrac məqsədli neft-qaz fəaliyyətinə xüsusi iqtisadi rejimin tətbiqi haqqında şəhadətnamənin verilməsi daxildir.

Son xəbərlər

Orphus sistemi