Bu ilin əvvəlindən Belarusun Azərbaycandan aldığı neftin həcmi açıqlanıb

"Belarus 2021-ci ildə Azərbaycandan 1 milyon ton neft almağı planlaşdırır".

"Report" BelTA-ya istinadən xəbər verir ki, bunu Belarusun Azərbaycandakı səfiri Andrey Ravkov deyib.

“Bu il üçün bir milyon ton neft almağı planlaşdırılır. Bu tədarüklər bərabər şəkildə davam edir. Bu günə qədər 270 min ton artıq təhvil verilib. 90 min tonluq bir tanker artıq boşaltma yerinə hərəkət edir", - deyə səfir bildirib.

Onun sözlərinə görə, ötən il Azərbaycan Belarusa 800 min ton neft tədarük edib: "Ölkələr arasında bu sahədə əməkdaşlıq yalnız inkişaf edəcək".