Bu il SOCAR qaz emalını 6 % artırıb

Azərbaycan Dövlət Neft Şirkətinin (SOCAR) ölkədəki emal kompleksində 1,2 milyon tona yaxın neft, 869 milyon kubmetrə yaxın təbii qaz emal olunub.

“Report”un məlumata görə, bu barədə SOCAR-ın 2022-ci ilin II rübündə qazma, hasilat, emal və ixrac göstəricilərinə dair məlumatında deyilir.

Bildirilir ki, qaz emalı ötən ilin müvafiq dövrü ilə müqayisədə 6,1 % artıb.

Rüb ərzində SOCAR-ın Azərbaycandakı müəssisələrində istehsal olunmuş 403 min tondan çox neft, neft-kimya və qaz-kimya məhsulu xarici ölkələrə ixrac edilib.

Hesabat dövründə ölkə ərazisində təbii qaz istehlakı ötən ilin analoji dövrü ilə müqayisədə 3 % artaraq 2,2 milyard kubmetr təşkil edib.

“SOCAR Karbamid” və “SOCAR Metanol” zavodlarının istehsal həcmlərinin artımı, həmçinin ölkədə qazlaşdırma səviyyəsinin yüksəlməsi qaz istehlakının artımını şərtləndirib.