Bu ilin birinci rüb ərzində Azərbaycan Dövlət Neft Şirkəti (SOCAR) tərəfindən 4,472 mln ton xam neft ixrac edilib.
“Report” xəbər verir ki, bu barədə SOCAR-ın 2021-ci ilin I rübündə qazma, hasilat, emal və ixrac göstəriciləri ilə bağlı açıqladığı rəqəmlərdə deyilir.
Məlumata görə, şirkətin neft ixracı 2020-ci ilin eyni dövrünün göstəriciləri ilə müqayisədə 17 % azdır.
Bu ilin ilk rübündə şirkət tərəfindən 512 milyon kubmetrə yaxın təbii qaz ixrac edilib.
Bildirilir ki, SOCAR-ın ixrac etdiyi neft həcmi şirkətin öz imkanları ilə hasil etdiyi neftdən əlavə beynəlxalq konsorsiumlar çərçivəsində SOCAR və Azərbaycanın payına düşən nefti də əhatə edir. Ümumilikdə isə ölkədən 7 mln tona yaxın neft ixrac edilərək, tankerlərə yüklənib.