Bu il əmtəəlik qaz hasilatı 15 %-dən çox artıb

Bu ilin yanvar-iyul aylarında 27 milyard 274,7 milyon kubmetr təbii qaz da hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 20 milyard 481 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 13,2 %, əmtəəlik qaz hasilatı isə 15,3 % artıb.

Bu ilin yanvar-iyul aylarında Azərbaycanda 19 milyon 206 min ton qaz kondensatı daxil olmaqla xam neft hasil edilib. Bunun 19 milyon 150,4 min tonu əmtəəlik xam neftin payına düşüb.

Hesabat dövründə neft hasilatı daha əvvəlki ilin eyni ayları ilə müqayisədə 4,4 % (əmtəəlik neftin həcmləri isə 4,5 %) azdır.