Bu il “Azəriqaz” “ASAN Xidmət” vasitəsi ilə 112 400-dən çox istehlakçıya xidmət edib

Bu il “Azəriqaz” “ASAN Xidmət” vasitəsi ilə 112 400-dən çox istehlakçıya xidmət edib
Energetika
6 May , 2019 15:19
Bu il “Azəriqaz” “ASAN Xidmət” vasitəsi ilə 112 400-dən çox istehlakçıya xidmət edib

Azərbaycan Dövlət Neft Şirkətinin (SOCAR) “Azəriqaz” İstehsalat Birliyi tərəfindən bu ilin yanvar-aprel ayları ərzində “ASAN Xidmət” vasitəsi ilə 112 446 istehlakçıya xidmət edilib.

“Azəriqaz”dan “Report”a verilən məlumata görə, bu ilin dörd ayı ərzində Bakı şəhəri üzrə 1 və 2 saylı “ASAN Kommunal”, 4, 5 saylı “ASAN xidmət” mərkəzlərinə və “Səyyar ASAN” xidmətinə, bundan əlavə, Bərdə, Sabirabad, İmişli, Masallı, Qəbələ, Quba, Mingəçevir, Şəki həmçinin Gəncə şəhərində yerləşən “ASAN Xidmət” mərkəzlərinə, ümumilikdə, 112 446 müraciət daxil olmuş və bu müraciətlərin icrası tam təmin edilib.

İstehlakçılarla münasibətlərin təkmilləşdirilməsi, göstərilən xidmətlərin keyfiyyətinin yüksəldilməsi məqsədilə Birlik bu istiqamətdə fəaliyyətini bundan sonrada davam etdirəcək.