Bu il “Azərenerji” ixrac gəlirlərini 6 dəfə artırıb

Bu ilin yanvar-noyabr aylarında “Azərenerji” ASC 378,4 milyon ABŞ dolları dəyərində elektrik enerjisi ixrac edib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın dekabr sayında bildirilir.

Məlumata görə, bu, ötən ilin eyni dövrü ilə müqayisədə 314,3 milyon ABŞ dolları və yaxud 5,9 dəfə çoxdur.

Qeyd edək ki, bu ilin yanvar-noyabr ayları ərzində Azərbaycanın ümumi ixracı 31,5 milyard ABŞ dolları, qeyri-neft sektoru üzrə ixrac isə 2022-ci ilin müvafiq dövrü ilə müqayisədə 10,5 % artaraq 3 milyard ABŞ dolları təşkil edib.